პროექტის მონაწილეთა რეგისტრაცია გრძელდება!
სიახლეები
#ჩემიქვეყნისისტორიაჩემიისტორიაა

#ჩემიქვეყნისისტორიაჩემიისტორიაა

თბილისის ეთნოგრაფიულ მუზეუმში 9 ივლისს მიუსაფარ ბავშვთა დღის ცენტრისა და მასთან არსებული ღამის თავშესაფრის ცენტრების გუნდებს შორის ინტელექტუალური და სპორტული შეჯიბრი, სახელწოდებით "განძის ძიება" მოეწყო. პროექტს დავითიანის მხარდაჭერით სამოქალაქო საზოგადოების განვითარების ცენტრი (CSDC) ახორციელებს.

ვაკანსია
არასამთავრობო ორგანიზაცია სამოქალაქო 
საზოგადოების განვითარების ცენტრი (CSDC) 
აცხადებს ვაკანსიას ფსიქოლოგის და სოციალური მუშაკი პოზიციაზე.   
 
პროექტის მონაწილეთა რეგისტრაცია გრძელდება!
თუ იცნობთ მარტოხელა და/ან მიუსაფარ ქალებს, რომლებიც ცხოვრობენ ქალაქ თბილისის ტერიტორიაზე და საჭიროებენ გადაუდებელ დახმარებას, გთხოვთ, შეავსოთ გაუზიაროთ მათ მოცემული ფორმა ან დაეხმაროთ კითხვარის შევსებაში.
COVID 19-ის პანდემიის შედეგად თბილისში მცხოვრებ მარტოხელა, მიუსაფარი და მრავალშვილიანი ქალების პრობლემების ზოგადი მიმოხილვა
„სამოქალაქო საზოგადოების განვითარების ცენტრი“ (CSDC), რომელიც დაკომპლექტებულია სხვადასხვა მიმართულებით მოღვაწე პროფესიონალებისგან, რომლებსაც აერთიანებთ საერთო ხედვა.
მარტოხელა დედის ამბავი ჩვენი სტაჟიორის პერსპექტივიდან
მოგიყვებით სამოქალაქო საზოგადოების განვითარების ცენტრის (CSDC) ის გუნდის ახალი წევრის  შთაბეჭდილებებს მას შემდეგ რაც პირველად ველზე გავიდა. 
გასულ კვირას ჩვენ ვესტუმრეთ მარტოხელა დედას ჩვენი კამპანიის „ჩაერთე და ჩართეს“ ფარგლებში. 100-ზე მეტი ქალი და მათი ოჯახები ჩაერთვნენ ჩვენს კამპანიაში. თითოეული მათგანი იძულებულია იცხოვროს გაუსაძლის პირობებში. ჩვენ მათ დახმარებას ვცდილობთ როგორც მატერიალურად, ასევე მათი ინტეგრაციით საზოგადოდებაში და შრომის ბაზარზე. თამუნა გვიზიარებს მის შთაბეჭდილებებს და ემოციებს.
სამოქალაქო საზოგადოების განვითარების ცენტრის დირექტორი ნინო თოდუა სტუმრად ტელეკომპანია ,,პირველის’’ პირდაპირ ეთერში.
 ჩვენ უკვე დავიწყეთ ფანდრაიზინგის კამპანიის: „ჩაერთე და ჩართეს“ - მეორე ეტაპი. 
კამპანიის მიზანია COVID-19 პანდემიის დროს მიუსაფარ და მარტოხელა ქალთა დაცვის ხელშეწყობა.
სამოქალაქო საზოგადოების განვითარების ცენტრი (CSDC)  აგრძელებს ფანდრაიზინგის კამპანიას -“ჩაერთე რა ჩართე”

კამპანიის მეორე ეტაპის მიზანია COVID-19 პანდემიის პირობებში მიუსაფარი, სოციალურად დაუცველი და მარტოხელა ქალების დახმარება და გაძლიერება.

ჩვენს პროექტში უკვე რეგისტრირებულია 100-ზე მეტი ქალი და მათი ოჯახები. თითოეულ მათგანს მძიმე სოციალურ პირობებში უწევს ცხოვრება. 

სამოქალაქო საზოგადოების განვითარების ცენტრი აგრძელებს ფანდრაიზინგის კამპანიას - პანდემიის პირობებში - მიუსაფარი და სოციალურად დაუცველი ქალების დასახმარებლად.
გიზიარებთ 30 წლის თამარის ისტორიას, ის მარტოხელა დედაა,  მოძალადე ქმარმა 4 თვის ფეხმძიმე მიატოვა. ის ასაკოვან დედასთან და მცირეწლოვან შვილთან ერთად ცხოვრობს. მუშაობს, თუმცა ამის მიუხედავად, აქვს ბევრი პრობლემა:
სამოქალაქო საზოგადოების განვითარების ცენტრი იწყებს ფანდრაიზინგის კამპანიის: ,,ჩაერთე და ჩართე’’ - მეორე ეტაპს!
კამპანიის მიზანია COVID-19 პანდემიის დროს მიუსაფარ და მარტოხელა ქალთა დაცვის ხელშეწყობა
მიუსაფარი და მარტოხელა ქალების ხელშესაწყობად  მიმდინარე CSDC-ის პროექტის პირველი ფაზა დასრულდა!
ნახეთ შემაჯამებელი ვიდეო და  ინტერვიუ პროექტის ხელმძღვანელთან, სამოქალაქო საზოგადოების განვითარების ცენტრის დირექტორთან - ნინო თოდუასთან;
თამარი, 25 წლის, კამპანია - ,,ჩაერთე და ჩართე''
გიზიარებთ  მარტოხელა დედის ისტორიას, რომელიც 2 მცირეწლოვან შვილს ზრდის. თამარს ჯანმრთელობის პრობლემები აქვს, ის მხოლოდ სოციალურ დახმარებაზეა დამოკიდებული და ბავშვებთან ერთად უკიდურეს სიღარიბეში ცხოვრობს.

ჩაერთე და ჩართე- პროექტი მარტოხელა და მიუსაფარი ქალების დასახმარებლად
ანა, 35 წლის ანა მარტოხელა დედაა, ის მეუღლემ წლების წინ მიატოვა. ანამ ისიც კი არ იცის, სად არის და რას აკეთებს ახლა მისი ყოფილი მეუღლე. მას არავინ არ ეხმარება. თავად ცდილობს თავის გატანას. პანდემიის დაწყებამდე ფიზიკურად შრომობდა, მაგრამ პანდემიის პირობებში ყველაფერი გართულდა, სამუშაოც აღარ აქვს. ბავშვები სკოლის ასაკისანი არიან. მათ ძალიან ბევრი რა სჭირდებათ. საკვები პროდუქტები უბნის მაღაზიიდან ვალად მოაქვთ, არ იციან, კიდევ რამდენ ხანს გაგრძელდება ასე. ანას სამივე შვილს სჭირდება ტელეფონი ან კომპიუტერი, რომლითაც ონლაინ-სწავლების დროს დაესწრებიან გაკვეთილებს. დედის თქმით, ნიჭიერი ბავშვები არიან. ანას არ უნდა რომ მისი შვილები სასწავლო პროგრამას ჩამორჩნენ და იმაზე ოცნებობს, რომ შვილებს ნორმალური საცხოვრებელი პირობები და სწავლის შესაძლებლობა ჰქონდეთ.

ჩაერთე და ჩართე- პროექტი მარტოხელა და მიუსაფარი ქალების დასახმარებლად

ლელა, 35  წლის

ლელა სოციალურად დაუცველი და მარტოხელა დედაა. ის თავის სამ მცირეწლოვან შვილთან ერთად ცხოვრობს, მათ არავინ არ ჰყავთ დამხმარე.

პანდემიის დაწყებამდე ის ფიზიკურად მუშაობდა: კერძო სახლებსა და ეზოებს ალაგებდა, ოჯახებში დადიოდა დამხმარედ და ყოველდღიური საჭიროებისთვის მცირე შემოსავალს ასე აგროვებდა. მას შემდეგ, რაც ვირუსი ფართოდ გავრცელდა, ადამიანებს ეშინიათ მისი დაქირავება, შესაბამისად, ლელამ ერთადერთი შემოსავალიც დაკარგა.

მისი სამივე შვილი მოსწავლეა, მაგრამ მათგან ვერც ერთი ვეღარ ესწრება გაკვეთილებს, რადგან არ აქვთ კომპიუტერები ან ტელეფონები, არ აქვთ წვდომა ინტერნეტზე და, რა თქმა უნდა, ელემენტარულ განათლებასაც ვერ იღებენ.

ჩაერთე და ჩართე- პროექტი მარტოხელა და მიუსაფარი ქალების დასახმარებლად
თამუნა, 39 წლის
თამუნა მარტოხელა დედაა, მას სოციალური დახმარებაც აქვს, მაგრამ ეს ფინანსური დახმარება ძალიან მცირედია მათ საჭიროებებთან შედარებით. 18 წლის იყო, რომ გავთხოვდა, სამი მცირეწლოვანი შვილი ჰყავს. შუათანას ჯანმრთელობის პრობლემები აქვს თირკმელზე, ორ კვირაში ერთხელ სჭირდება ექიმთან ვიზიტი და წამლები. ,,მივეჩვიე, რომ მარტომ უნდა ვაკეთო ყველაფერი, გავუმკლავდე ყველაფერს.
ჩაერთე და ჩართე- პროექტი მარტოხელა და მიუსაფარი ქალების დასახმარებლად
ნათია, 35 წლის
ნათია 10 წელი ცხოვრობდა მოძალადე ქმართან, მას მუდმივად უწევდა ფიზიკური და ფსიქოლოგიური ძალადობის ატანა. ბოლოს შეძლო და სამ მცირეწლოვან შვილთან ერთად ცალკე გადავიდა საცხოვრებლად. ამ ეტაპზე ის ნაქირავებ ბინაში ცხოვრობს. ნათია ბევრს მუშაობს იმისთვის, რომ შვილებს ყველაფერი გაუკეთოს, თუმცა მარტოხელა დედისთვის ეს არ არის მარტივი.
ამის მიუხედავად ამბობს, რომ ურჩევნია ფინანსურად უჭირდეს, ოღონდ მას და მის შვილებს მოძალადესთან დაბრუნება არ მოუწიოთ. ყველაზე მეტად ყოფილი მეუღლის ეშინია. საშუალო განათლება აქვს, ძალიან უნდა, რომ რაიმე ხელობა შეისწავლოს და თავისი პროფესიით დასაქმდეს.
ჩაერთე და ჩართე- პროექტი მარტოხელა და მიუსაფარი ქალების დასახმარებლად
ნატო, 48 წლის
ნატო სოციალურად დაუცველი და მარტოხელა დედაა. ის თავის შვილებთან ერთად ქირით ცხოვრობს, აქვთ ძალიან ცუდი პირობები. პანდემიის დაწყებამდე, ფიზიკურად შრომობდა, რესტორანში დამლაგებლად მუშაობდა. მერე ყველაფერი რომ ჩაიკეტა ნატომ სამსახური დაკარგა და ახალი ვეღარ იშოვა.
აქვს ჯანმრთელობის პრობლემები, ბოლო წლების მანძილზე სამი ოპერაცია გადაიტანა, ახლაც საოპერაციოა, თიაქარი აწუხებს, მაგრამ მედიკამენტების ან მკურნალობის შესაძლებლობა არ აქვს. ,,ჩემს საკუთრებაში არაფერი არ გამაჩნია, არც ავეჯი, არც ტექნიკა, არ გვაქვს მაცივარი, სარეცხი მანქანა, არც კომპიუტერი, რომ ბავშვები ონლაინ-სწავლების დროს გაკვეთილებს დაესწრონ.
ჩაერთე და ჩართე- პროექტი მარტოხელა და მიუსაფარი ქალების დასახმარებლად

მარი, 32 წლის

მარი მარტოხელა დედაა შეზღუდული შესაძლებლობის მქონე პირის სტატუსით. ჰყავს ორი მცირეწლოვანი შვილი, ცხოვრობე ნაქირავებ ბინაში, სადაც ქირას რამდენიმე თვეა ვეღარ იხდიან. პანდემიამდე სახლებს ალაგებდა და როგორღაც გაჰქონდათ თავი, ახლა ადამიანები ვირუსის შიშით ერიდებიან მის დაქირავებას და ძალიან რთულ მდგომარეობაში აღმოჩნდა.

ჩაერთე და ჩართე- პროექტი მარტოხელა და მიუსაფარი ქალების დასახმარებლად
მზია, 63 წლის
მზიას საკუთარი სახლი არ აქვს, ის ცხოვრობს 83 წლის მეგობართან, რომელიც ეკლესიაში გაიცნო, მეგობარმა დახმარება შესთავაზა და თავის სახლში შეიკედლა. მზიას ერთადერთი შვილი რუსეთში ჰყავს, წლებია არ უნახავს, ამბობს, რომ საქართველოში ვერ ჩამოდის.
მას ძალიან უნდა შვილის ნახვა, შვილიშვილების გაცნობა - თუმცა ამის იმედი არ აქვს. მეუღლე წლების წინ გარდაეცვალა და ამის შემდეგ ის მარტოხელა და უსახლკაროა. ,,მშვიდი ძილი მენატრება, ჩემი საწოლი მინდა მქონდეს, თავშესაფარში მიღებაზე ყველგან უარს მეუბნებიან, მაქვს განგრენა, ორჯერ გადავიტანე ინფაქტი, წამალები მჭირდება, არ ვიცი, ასე როდემდე ვივლი, სიკვდილს ვნატრობ. იქნებ ვინმე დამეხმაროს, მხოლოდ ის მინდა, თავშესაფარში მიმიღონ“ - ამბობს მზია.
ჩაერთე და ჩართე- პროექტი მარტოხელა და მიუსაფარი ქალების დასახმარებლად
მაია, 39 წლის
მაია მარტოხელა დედაა. ადრე მომვლელად მუშაობდა, მაგრამ პანდემიის პერიოდში ეს სამსახურიც დაკარგა. ამის შემდეგ მაია და მისი შვილები ხშირად საკვების გარეშეც დარჩენილან. პენსიის თანხას ისინი სრულად იხდიან ქირაში, მიუხედავად იმისა, რომ სახლში გაუსაძლისი პირობებია, სხვა გზა არ აქვთ, მცირე თანხით უკეთესს ვერაფერს იქირავებენ.
სახლში არ აქვთ არანაირი ტექნიკა, არც კომპიუტერი, არც ტელეფონი, რომელიც ბავშვებს დისტანციურად სწავლის შესაძლებლობას მისცემდა. მათი ყველაზე დიდი ოცნება სახლია, თუმცა ამ ეტაპზე ყველაზე მეტად საკვები სჭირდებათ, იმისთვის.
მაიას დიდი სურვილია ჰქონდეს თუნდაც მცირე შემოსავლიანი სამსახური, რომ შვილები შიმშილს გადაარჩინოს. ,,ხანდახან მგონია, რომ მე და ჩემი შვილები უხილავები ვართ, არც არაფრის იმედი არ მაქვს. მგონია, რომ ჩვენი ხმა არავის არ ესმის, ჩვენს გასაჭირს ვერავინ ვერ ხედავს. მაშინებს მომავალი’’ - ამბობს მაია.
ჩაერთე და ჩართე- პროექტი მარტოხელა და მიუსაფარი ქალების დასახმარებლად
ანა, 35 წლის
ანა მარტოხელა დედაა, ის მეუღლემ წლების წინ მიატოვა. ანამ ისიც კი არ იცის, სად არის და რას აკეთებს ახლა მისი ყოფილი მეუღლე. მას არავინ არ ეხმარება. თავად ცდილობს თავის გატანას. პანდემიის დაწყებამდე ფიზიკურად შრომობდა, მაგრამ პანდემიის პირობებში ყველაფერი გართულდა, სამუშაოც აღარ აქვს.
ბავშვები სკოლის ასაკისანი არიან. მათ ძალიან ბევრი რა სჭირდებათ. საკვები პროდუქტები უბნის მაღაზიიდან ვალად მოაქვთ, არ იციან, კიდევ რამდენ ხანს გაგრძელდება ასე. ანას სამივე შვილს სჭირდება ტელეფონი ან კომპიუტერი, რომლითაც ონლაინ-სწავლების დროს დაესწრებიან გაკვეთილებს. დედის თქმით, ნიჭიერი ბავშვები არიან.ანას არ უნდა რომ მისი შვილები სასწავლო პროგრამას ჩამორჩნენ და იმაზე ოცნებობს, რომ შვილებს ნორმალური საცხოვრებელი პირობები და სწავლის შესაძლებლობა ჰქონდეთ.

ჩაერთე და ჩართე- პროექტი მარტოხელა და მიუსაფარი ქალების დასახმარებლად
ლელა, 35 წლის ლელა
სოციალურად დაუცველი და მარტოხელა დედაა. ის თავის სამ მცირეწლოვან შვილთან ერთად ცხოვრობს, მათ არავინ არ ჰყავთ დამხმარე. პანდემიის დაწყებამდე ის ფიზიკურად მუშაობდა: კერძო სახლებსა და ეზოებს ალაგებდა, ოჯახებში დადიოდა დამხმარედ და ყოველდღიური საჭიროებისთვის მცირე შემოსავალს ასე აგროვებდა.
მას შემდეგ, რაც ვირუსი ფართოდ გავრცელდა, ადამიანებს ეშინიათ მისი დაქირავება, შესაბამისად, ლელამ ერთადერთი შემოსავალიც დაკარგა. მისი სამივე შვილი მოსწავლეა, მაგრამ მათგან ვერც ერთი ვეღარ ესწრება გაკვეთილებს, რადგან არ აქვთ კომპიუტერები ან ტელეფონები, არ აქვთ წვდომა ინტერნეტზე და, რა თქმა უნდა, ელემენტარულ განათლებასაც ვერ იღებენ.
 სამოქალაქო საზოგადოების განვითარების ცენტრი (CSDC) უკვე მესამე თვეა ახორციელებს პროექტს მარტოხელა და მიუსაფარი ქალების დასახმარებლად.
ჩვენ უკვე შევხვდით 100-მდე ქალს, მათ შვილებს, ოჯახებს. გავეცანით მათ უკიდურესად მძიმე მდგომარეობას და თითოეული მათგანის ისტორიას.
დედამიწის დღე
22 აპრილს თბილისის, ქუთაისისა და რუსთავის მიუსაფარ ბავშთა ტრანზიტულ ცენტრში ბენეფიციარების ჩართულობით აღინიშნა დედამიწის საერთაშორისო დღე. ტრანზიტული საგანმანათლებლო პროგრამის სპეციალისტებმა მიაწოდეს ინფორმაცია ბავშვებს გარემოს დაცვის მხარდამჭერი ღნისძიებების მნიშვნელობაზე, გაიმართა დისკუსია თუ რამდენად მნიშვნელოვანია თითოეული ინდივიდის ჩრთულობა და ზრუნვა, რა რესურსი არსებობს დედამიწის  დასაცავად, მონაწილეებმა შექმნეს ნახატები, მხარდამჭერი ბანერი დარგეს ხეები. გაუზიარეს ერთმანეთს დადებითი სურვილები და შესაძლებლობები, რაც თითოეულ მათგანს შეუძლია დედამიწის უსაბრთხოებისთვის.
ბოშების დღე ქუთაიში
ქუთაისის მიუსაფარ ბავშვთა დღის ცენტრში ბოშების საერთაშორისო დღე აღინიშნა, ბენეფიციარებმა ტრანიტული საგანმანათლებლო პროგრამის სპეციალისტების ჩართულობით, გამართეს დისკუსია და განიხილეს ეთნიკური უმცირესობების უფლებები. 
აღნიშნულ დღეს ცენტრს სტუმრად ეწვივნენ ბენეფიციართა თანაკლასელები  და მათი მშობლები, ბავშებს წინასწარ ჰქონდათ ინფორმაცია აღნიშნულის შესახებ, შესაბამისად დახვდნენ მომზადებულები ღონისძიებით, სტუმრებს გააცვნეს ბოშათა კულტურული თავისებურებები, იცეკვეს და იმღერეს.
სტუმრად ტექნოპარკში
8 აპრილს ტრანზიტული საგანმანათლებო პროგრამის ფარგლებში, მიუსაფარი ბავშვები იმყოფებოდნენ ექსკურსიაზე  ტექნოპარკში. ბავშვები გაეცვნენ ინოვაციებსა და ტექნოლოგიებზე დაფუძვნებულ იდეებს და შესაძლებლობებს, მიიღეს შთაბეჭდილებები, ექსკურსიის ფარგლებსი გაიგეს ინფორმაცია კომპიუტერულ ტექნოლოგიებსა და პროგრამულ საწყისებზე, ასევე სხვადასხვა სახის საგანმანათლებლო რესურსებზე. 
დღე დასრულდა სასიამოვნო ვახშამით . 
2 აპრილი, აუტიზმის შესახებ ცნობიერების ამაღლების მსოფლიო დღეა !
2 აპრილს, აუტიზმის შესახებ ცნობადობის ამაღლების საერთაშორისო დღესთან დაკავშირებით, ტრანზიტული საგანმანათლებლო პროგრამის სპეციალისტებმა ეკა კეპაშვილი, ნინო კაკალაშვილი, მარიამ ედილაშვილი, სოფიო დეკანაძე იმუშვეს მიუსაფარ ბავშვთა დღისა და სადღეღამისო თავშესაფრების ბენეფიციარებთან. სპეციალისტებმა მიზნად დაისახეს მეტი ინფორმაციის მიწოდება და ბავშთ ცნობიერების ამაღლება კონკრეტული მიმართულებით, შესაბამისად დაგეგმილი აქტივობები მოიცავდა, თემის ირგლივ ინფორმაციის მიწოდებას, მათ შორის განხილულ იქნა ვიდეო რგოლი, სადაც აუტისტური სპექტრის მქონე პირები და სპეციალისტები საუბრობდნენ განვითარების თავისებურებაზე, რა დამოკიდებულებებით და უნარ-ჩვევებით გამოირჩევიან და რა მახასიათებლებით შეგვიძლია აღნიშნული სიმპტომების ამოცნობა, როგორია მათ საზოგადოებაში ინტეგრირებისა და ადაპტაციის მექანიზმები, აუტისტური სპექტრის მქონე ადამიანებისთვის რა სერვისები  და რა გამოწვევები არსებობს... 
მხიარული სტარტები საჯარო სკოლებში

სპორტული შეჯიბრებების სერია "მხიარული სტარტები" საჯარო სკოლებში დაიწყო

სამოქალაქო საზოგადოების განვითარების ცენტრის (CSDC)-ის მიერ დაგეგმილი ზაფხულის არდადეგები World-Vision-ის გლდანის მიუსაფარ ბავშვთა ცენტრში

ზაფხულის არდადეგები ბევრისთვის დროის უქმად ხარჯვასთან/გატარებასთან ასოცირდება, თუმცა სწორად და სახალისოდ ორგანიზებული დასვენების დროს ბავშვებმა შესაძლოა ბევრი უნარ-ჩვევები განივითარონ, მიიღონ ახალი შთაბეჭდილებები, აღიდგინონ ძალები და  განიტვირთონ.

სამოქალაქო საზოგადოების განვითარების ცენტრის (CSDC)-ის მიერ დაგეგმილი ზაფხულის არდადეგები ბავშვი და გარემოს მიუსაფარ ბავშვთა ცენტრში

ზაფხულის არდადეგების დადგომას ხომ ყველა ბავშვი სულმოუთქმელად ელოდება, გამონაკლისი არც ტრანზიტული საგანმანათლებლო პროგრამის მონაწილეები არიან.  ეს დრო თავგადასავლებთან, ახალი მეგობრების შეძენასთან თუ დროის მხიარულად გატარებასთან ასოცირდება. სამოქალაქო საზოგადოების განვითარების ცენტრი (CSDC) მეტად მრავალფეროვანი და  შემეცნებით და გასართობი ღონისძიებებს სთავაზობს ცენტრის ბავშვებს.

სამოქალაქო საზოგადოების განვითარების ცენტრის (CSDC)-ის მიერ დაგეგმილი ზაფხულის არდადეგები რუსთავის მიუსაფარ ბავშვთა ცენტრში

ზაფხულის ცხელი დღეების მიუხედავად, საქართველოს კარიტასის რუსთავის მიუსაფარ ბავშვთა დღის ცენტრის ბავშვებმა არდადეგები საინტერესოდ და ნაყოფიერად გაატარეს.

ვებგვერდი დაფინანსდა ევროკავშირისა და ავსტრიის განვითარების თანამშრომლობის მიერ პროექტის „სოციალურ მუშაკთა თანამშრომლობა სოციალური განვითარებისათვის აღმოსავლეთ ევროპის ქვეყნებში“ ფარგლებში, რომელიც ხორციელდება Hilfswerk Austria International-თან ერთად

 

Austrian Development Cooperation

FB