საქართველოში მცხოვრებ ლტოლვილ უკრაინელ ქალებსა და გოგონებს კრიზისული დახმარება გავუწიეთ მენტალური ჯანმრთელობის გასაუმჯობესებლად და მათი შესაძლებლობების გასაძლიერებლად.
საგანმანათლებლო პროექტი, რომელიც პირველ სამედიცინო სასწავლებელთან ერთად განვახორციელეთ. პროექტი სტუდენტებისა და მოწყვლადი ჯგუფის ქალების გაძლიერებას ისახავდა მიზნად სამოქალაქო უფლებების, ჯანდაცვის პრიორიტეტული სფეროსა და საგანმანათლებლო სისტემის საკითხებში.
პროგრამის მიზანი იყო COVID-19-ის პრევენცია და მოზარდების ინფორმირება უსაფრთხო ჰიგიენის პრაქტიკებისა და სწორი ჰიგიენური ქცევის შესახებ — თბილისსა და საქართველოს რეგიონებში.
პანდემიის დაწყებისთანავე წამოვიწყეთ კამპანია მძიმე სოციალურ პირობებში მცხოვრები დედების დასახმარებლად. კამპანიაზე CSDC-ის ქართველი და ჩეხი წევრებისგან დაკომპლექტებული საერთაშორისო გუნდი მუშაობდა: გუნდმა ბენეფიციარების საჭიროებები შეისწავლა, ინტერნები კი ოჯახებს სტუმრობდნენ და პირველადი საჭიროების ნივთებით ამარაგებდნენ.
პროექტი ეძღვნებოდა გოგონების ხმისა და როლის გაძლიერებას მშვიდობის მშენებლობაში.
პროექტის მიზანი იყო მოწყვლადი ბავშვების ოჯახების გაძლიერება, რათა თავიდან აგვეცილებინა ბავშვების ოჯახისგან დაშორება.
CSDC ორჯერ — 2017 და 2018 წლებში — გახდა ტენდერის გამარჯვებული და საქართველოს მასშტაბით სოციალური მუშაკები გადაამზადა ქუჩაში მცხოვრებ და მომუშავე ბავშვებთან მუშაობისთვის.
შემუშავდა 12-საათიანი სატრენინგო მოდული, წინა და შემდგომი ტესტები და საკითხავი მასალა, რომელიც მოიცავდა ლიტერატურული ნაწარმოებების, ცნობილი ადამიანების ბიოგრაფიებისა და გეოგრაფიის შემეცნებით ნაწილს. ჩვენმა ტრენერებმა კურსი საოჯახო ტიპის სახლების აღსაზრდელებს ჩაუტარეს.
შიდა ქართლსა და სამეგრელოში შეირჩა 135 ახალგაზრდა, რომლებმაც ეტაპობრივად გაიარეს ტრენინგები: ფასილიტაცია და მოდერაცია, ეფექტური კომუნიკაცია და პრეზენტაცია, ადვოკატირება, საჯარო ინფორმაციის გამოთხოვა.
პროექტის მიზანი იყო საზოგადოების დამოკიდებულების შეცვლა ე.წ. ქუჩაში მცხოვრები და მომუშავე ბავშვების მიმართ და მოსახლეობის ინფორმირება არსებული სახელმწიფო პროგრამების შესახებ.
სამ რეგიონში ახალგაზრდების გაძლიერება და მათი სოციალური კომპეტენციების ზრდა. შეიქმნა სატრენინგო მოდული: ეფექტური კომუნიკაცია და პრეზენტაცია, პროექტების შედგენა და მართვა, დონორების მოძიება, ადვოკატირების კამპანიის დაგეგმვა.
პროექტის შესახებ: პროექტის მიზანი იყო ოკუპირებულ აფხაზეთში (გალის რაიონში) მცხოვრები ახალგაზრდების ჩართვა მშვიდობის მშენებლობისა და სამოქალაქო აქტივობების პროცესში საინფორმაციო-საკომუნიკაციო ტექნოლოგიების გამოყენებით.
პროექტის ფარგლებში 45-მა ადგილობრივმა მოსწავლემ და სტუდენტმა გაიარა ინტენსიური ტრენინგი სოციალურ მედიაში, ბლოგინგში, ფოტოდამუშავებასა და ადამიანის უფლებებში. შეიქმნა 45 ინდივიდუალური ბლოგი და ვებ-პორტალი www.ict4peace.ge, სადაც მონაწილეები რეგულარულად აშუქებდნენ ადგილობრივ სიახლეებსა და პრობლემებს. გარდა ამისა, ჩატარდა 7 საჯარო ფორუმი და მოეწყო შეხვედრები ცნობილ საზოგადო მოღვაწეებთან.
პროექტი მიზნად ისახავდა სახელმწიფო და არასამთავრობო სექტორის ჩართულობით ქუჩაში მცხოვრები და მომუშავე ბავშვების უფლებრივი მდგომარეობის, ბავშვზე ზრუნვის სისტემისა და მომსახურების გაუმჯობესებას.
პროექტი მიზნად ისახავდა სახელმწიფო ზრუნვის ქვეშ მყოფი ბავშვებისთვის არაფორმალური განათლების მიწოდებას. ე.წ. ქუჩაში მცხოვრებმა და მომუშავე ბავშვებმა სოციალური ადაპტაციისა და განვითარების ხელშემწყობი ტრენინგები გაიარეს. შეიქმნა სასწავლო მოდული: ცხოვრების ჯანსაღი წესი, ბავშვთა უფლებები, კომუნიკაციისა და პრეზენტაციის უნარები, საბაზისო კომპიუტერული უნარები.
პროექტი მიზნად ისახავდა ე.წ. ქუჩაში მცხოვრები და მომუშავე გოგონების საზოგადოებაში ინტეგრაციას არაფორმალური განათლების გზით. მომზადდა სპეციალური საგანმანათლებლო პროგრამა: გუნდური მუშაობა, ლიდერობა, პიროვნული უნარების განვითარება, ცხოვრების ჯანსაღი წესი და ბავშვთა უფლებების დაცვა. პროგრამა ასევე მოიცავდა 4 კულტურულ-შემეცნებით ღონისძიებას — სპორტულ შეჯიბრებებსა და თეატრალურ წარმოდგენას.