კონფლიქტი


ჩემი მეგობარი ამბობს,რომ მას ახსოვს 1992–1993 წლების აფხაზეთი,რომელიც მისთვის სიკვდილთან ასოცირდება.ახსოვს ხმაური,დედის შეშინებული სახე,გაქცევა,ენგური...დაღუპული ახლობლები,გაურკვევლობა,შიში,გადამწვარი სახლები...შემდეგ კი სხვა ცხოვრება.
მის გონებაში აღბეჭდილი მოგონებები იწვევს სევდას,მაგრამ ამავე დროს მონატრებასა და უდიდეს სურვილს სახლში დაბრუნებისა.მის მსგავსად ყველა ვნატრობთ ერთხელ მაინც შევავლოთ თვალი იქაურობას,ერთხელ მაინც ვიხილოთ ულამაზესი აფხაზეთი.ეს ნატვრა კი ჯერჯერობით ნატვრად რჩება,თუმცა ვინ იცის იქნებ ერთხელაც ახდეს.ოცნებებს ხომ ხშირად ფრთები ესხმება...
ავტ: ანუკი კურკუმია

ჩემი ხმა

,,დღეები კონფლიქტამდე“
აფხაზეთი არა ჩემი არა შენი არამედ ყველას ტკივილია.მე არასოდეს ვყოფილვარ აფხაზეთში,მაგრამ ახლობლებისა და მეგობრების მოყოლილი ამბები საკმარისია ჩემს გულში სიყვარულის ასანთებად...უცნაურია,მაგრამ ვგრძნობ მონატრებას
კონფლიქტი
აფხაზეთის ომს უამრავი ადამიანის სიცოცხლე ემსხვერპლა.დიდი იყო დანაკარგი ორივე მხრიდან.უამრავმა ადამიანმა მიიღო ფიზიკური,ფსიქოლოგიური და მორალური ტრამვა.ყოველთვის,როცა ვხვდები ადამიანებს აფხაზეთიდან,ვხედავ სევდას მათ თვალებში.ვხედავ დაფარულ,თუმცა ამავე დროს შესამჩნევ ტკივილს.ტკივილს, რომელიც ყველასია,ტკივილს,რომელიც ჩვენშია.
,,კონფლიქტისგან თავის დაღწევა“
აფხაზეთის ომის შემდეგ დაახლოებით 300 000 ქართველი იძულებული გახდა სახლ–კარი დაეტოვებინა.
ვებგვერდი დაფინანსდა ევროკავშირისა და ავსტრიის განვითარების თანამშრომლობის მიერ პროექტის „სოციალურ მუშაკთა თანამშრომლობა სოციალური განვითარებისათვის აღმოსავლეთ ევროპის ქვეყნებში“ ფარგლებში, რომელიც ხორციელდება Hilfswerk Austria International-თან ერთად

 

Austrian Development Cooperation

0 901 900 980
ზარის ღირებულება 1 ლარი