ტრანზიტული საგანმანათლებლო პროგრამის ფარგლებში რუსთავის დღის ცენტრ „საპოვნელას“ ბენეფიციარებმა პროგრამის სპეციალისტებთან ერთად ილია ჭავჭავაძის დაბადების დღე აღნიშნეს.
ბავშვებმა მოისმინეს საინტერესო ფაქტები დიდი ქართველი მწერლის, საზოგადო მოღვაწის, პუბლიცისტისა და ეროვნულ-განმათავისუფლებელი მოძრაობის მეთაურის შესახებ. გაიხსენეს მისი ნაწარმოებები და ისაუბრეს მის ღვაწლსა და მოღვაწეობაზე.
ბავშვებმა ილიასადმი მიძღვნილი პოსტერებიც შექმნეს. ერთ-ერთ მათგანზე ილიას ცნობილი სიტყვები ამოწერეს: „სამი ღვთაებრივი საუნჯე დაგვრჩა ჩვენ მამა-პაპათაგან: მამული, ენა, სარწმუნოება“.
